Kilala ang mga Pilipino bilang isa sa may magagandang katangian sa mundo. Hindi lamang sa asal, mayaman din ang ating bansa sa kultura at tradisyon. Nasakop man ng mga dayuhan ang ating bansa nanatili pa rin ang mga katangian iyon. Noong panahon pa ng ating mga lolo’t lola, ang panliligaw at pakikipagtipan ay isang sagradong pangako na kailangan ng basbas ng magulang. Noon din ay ang pagsisibak ng kahoy at pag-iigib ng tubig ng isang binata ay isang paraan upang maipakita niya sa magulang ng dalaga ang sincerity at pagmamahal sa kasintahan. Madalas din ang paggawa ng liham, pagbibigay mababangong bulaklak at ang pag haharana gamit ang gitara at awit ng pusong handang maghintay at kahit sariling buhay ay iaalay.
Isa din sa magandang katangian ng pilipino noon ay ang pagsasalo-salo sa hapag kainan tuwing hapunan. Habang ang ilaw ng tahanan ay nagluluto ng hapunan. Ang magkakapatid ay tulong tulog sa paghahanda ng kubyertos at kasangkapan na gagamitin habang hinihintay ang kanilang ama na pagod galing trabaho. Sasalubong ang buong pamilya para bumati at magmano. Hindi natatapos ang araw ng pamilya sa sasalo-salo lamang, dito ay ibinabahagi nila ang naganap sa araw nila. Masama man o mabuti, ang magulang ay laging handang gumabay sa kanila, sa bawat desisyong at landas na kanilang tatahakin ng kanilang mga anak. Hindi din makakalimutan ng pamilya ang mananalangin upang magpasalamat sa mga biyaya at pagpapala na tinatanggap ng bawat isa mula sa Diyos.
Kilala din ang mga batang pilipino sa larangan ng palakasan, dahil simula pa ng pagkabata, naging palaruan na nila ang kanilang bakuran. Pagsasarangola, patintero, tumbang-preso, luksong baka, taguan, palo sebo at paglalaro ng trumpo ang kadalasan nilalaro ng mga batang pilipino noon. Malaki din ang respeto ng mga anak sa kanilang mga magulang, na isang tawag lamang ay agad na sumusunod ang mga ito. Itinuturo rin ng magulang na ang anumang uri ng panlalait sa kapwa ay itinuturing na masamang gawain. Walang mang pormal na edukasyon noon hindi naman ito naging handlang upang maging kilala ang pinoy sa pagiging mahusay sa pakikipagkapwa-tao.
Nakakalungkot man isipin unti-unti nawawala ang mga magagandang katangiang ito, Naririto ang iilang mga katangian ng modernong pilipino na sana ay mabago at hindi na maisalin pa sa mga susunod na henerasyon:
Ngayon mapabata man o matanda ay abala sa paglalaro ng online games, xbox, tablets, pati facebook at instagram sa halip na nakikipag-socialize sa iba. Hindi naman masama ang maglibang ngunit sabi nga sa kawikaan lahat ng sobra ay masama. Kahit din ang ibang mga magulang ay nag-iba din ang pananaw sa pagdaan ng panahon. Minsan nalang lumabas ng kwarto kaya yun normal na family gathering ay nawawala na. Magkakasama nga sa iisang bubong ngunit wala ng oras para magusap.
Kung may Maria Clara tayo noon, meron pa din naman Maria(Ozawa) ngayon, medyo endangered species na ang Clara ngayon. Isa pa ay pangkaraniwan na lamang sa magkasintahan ang premarital sex, kaya naman kung noon ay hinihintay ng magkasintahan na bumilog ang buwan bago magpakasal, ngayon hinihintay lang nila ang bumilog ang tiyan. Normal ng rin maituturing and pag suout ng maiikling shorts kahit saan ka man magtungo. Hindi na din sa bahay ginagawa ang panliligaw, kahit sa kalsada o kahit text o chat sa FB pwede na. Mas mataas na din ang porsyento ng mga batang magulang o single parents.
Hindi naman nawala sa ibang pilipino ang mga magagandang katangian ito, ngunit dahil nga sa modernisasyon ay nakakalimutan natin ito. Hindi naman masama ngunit habang lumilipas ang panahon lalo itong nababaon sa limot. May nawawala at nagbabago, ngunit sana ay lagi natin tandaan kung san tayo nagmula. Sa bansa ng Perlas ng Silangan, duyan ng mga bayani kaya wag nating pabayaan and mga ugaling pilipino na pinagyaman ng panahon. Dahil pagdating ng kinabukasan tayo din ay magiging magiging magulang, kaya wag nating talikuran ang mga turo inang bayan. Ang mga responsibilidad ng iyong magulang ay bukas sayo iaatang, ikaw na ang susunod sa listahan. Ang tanging iyon mamamana ay magandang katangian at ipapasa sa iyong anak para sa kinabukasan.
I Was There 